കേരളത്തിലെ ഏറ്റവും വലിയ ശുദ്ധജലതടാകമാണ് ശാസ്താംകോട്ട തടാകം
(കൊല്ലം ജില്ല). "F" ആകൃതിയിലുള്ള ഈ തടാകത്തിന്റെ വിസ്തീര്ണം 3.75 സ്ക്വയര് കി.മീ.
* ശാസ്താംകോട്ട തടാകം അംഗീകൃത റാംസര് സൈറ്റാണ്
* കേരളത്തിലെ രണ്ടാമത്തെ വലിയ ശുദ്ധജലതടാകമാണ് വെള്ളായണി ശുദ്ധജലതടാകം (തിരുവനന്തപുരം ജില്ല). ചെറിയ കുന്നുകളാല് ചുറ്റപ്പെട്ട വെള്ളായണി ശുദ്ധജലതടാകത്തിന്റെ ഇപ്പോഴുള്ള വിസ്തീര്ണം 2.20 ചതുരശ്ര കിലോമീറ്ററാണ്.
* വയനാട് ജില്ലയില് വൈത്തിരി താലൂക്കിലെ കുന്നത്തിടവക എന്ന ഗ്രാമത്തില് പൂക്കോട്ട് ശുദ്ധജലതടാകം സ്ഥിതിചെയ്യുന്നു. തടാകത്തിന്റെ വിസ്തീര്ണം 7.5 ഹെക്ടറാണ്.
* തൃശ്ശൂര് ജില്ലയിലെ എനമാക്കല്, ഇടുക്കി ജില്ലയിലെ ദേവികുളം എലിഫന്റ് ലേക്ക്, ഇടുക്കി ജില്ലയിലെ ഇരവികുളം എന്നിവയാണ് വളരെ ചെറുതെങ്കിലും ശ്രദ്ധേയമായ മറ്റു ശുദ്ധജലതടാകങ്ങള്.